Халықаралық мұғалімдер күні мерекесіне орай мектебімізде «Ұстаз – ұлы тұлға» атты мерекелік кеш өтті. Кешке мектебіміздің ардагер ұстаздары қонаққа шақырылды. Мектебіміздің талантты оқушылары мен бірге жас мамандар да кештің сәнін келтірді. Қонақтарымыз дән риза болып, үлкен табыс тілеп, әр кез бізбен бірге екендерін айтты.

Қазақстан халықтарының Тілдері күнін жыл сайын  өткізу - 29 орта мектепте дәстүрге айналған. «Мемлекеттік тіл – ұлт тірегі» атты тақырып аясында кластар арасында іс-шаралар өтті. Қатысушылар қазақ тілінде ғана емес сонымен қатар орыс, ағылшын тілінде өз үлестерін қосты.

25 мамыр күні №29ОМ «Сыңғырла соңғы қоңырау» атты соңғы қоңырау салтанатты жиыны өтті. Биылғы 2016-2017 оқу жылында мектебімізді 31 жас түлек аяқтады. Мектеп оқушылары мектеп бітіруші түлектер мен ата-аналарына,ұстаздарға арналған мерекелік концерт ұсынды. Түлектерге, мектеп оқушыларына мектеп директоры Салиш С.С. ақ жол тілеп, үздік оқушыларды марапаттады. Мектеп мақтаныштарының мәртебесі көтерілді.

Ақтөбе қаласының №29 орта мектебінде 10.06.2017 жылы  9-11 класс түлектерінің  негізгі және жалпы орта білім беру туралы аттестатты табыстау рәсіміне  арналған салтанатты жиын өтті. 2016-2017 оқу жылының қорытындысы бойынша негізгі мектепті бітірушілер арасынан Нығметжанова Салтанат «Үздік аттестат» иегері атанса, жалпы орта білімді  аяқтаған 11 класс оқушыларынан 1 оқушыға «Алтын белгі» иегері, бір оқушыға «Үздік аттестат» табысталды. «Алтын белгі» иегері-Сизых Анастасия Михайловна. «Үздік аттестат» иегері-Орынбаева Жазира. Түлектерге алдағы өтетін ҰБТ-ден жоғары нәтиже көрсетулеріне тілектеспіз! Түлектерге сәт-сапар!